Plan de Acción para a Economia circular

Puntos de interese: Arquitectura popular

MUÍÑOS

Os muíños son un elemento etnográfico de grande interese. En Villestro están localizados 10 muíños, o que indica un uso intenso do río Roxos. Moitos deles teñen un acceso complicado ou o seu estado de conservación e a maleza non permitiron acceder ao interior. Son, en xeral, de pequenas dimensións e en moitos casos consérvase a súa maquinaria (moas, rodicio…), asentos e pedras de apoio para os sacos, así como infraestruturas asociadas como as canles que achegaban a auga ao muíño ou pontellas de acceso. Dous deles conservan inscricións nos linteis: en Carlexo “UNA DE dos oY NO”, “ANO 1891” ao lado dereito da porta e quizais o propietario “MANUEL NIETO”; en Fraíz, “UNA DE DOS O NO ENTRA AQUÍ O LABRA A DIOS – AÑO 1898 A O”.

 

FONTES E LAVADOIROS

Villestro é unha parroquia rica en mananciais que nacen nos seus montes e como mostra disto temos 12 fontes, con ou sen lavadoiro. Aínda que están en funcionamento, o seu aspecto dista bastante do orixinal, con moitos arranxos e renovacións en cemento e plásticos, e nalgúns casos moi deslucidas polas novas estradas. Destaca o aspecto enxebre da fonte de Piñeiro, e da fonte do Cura (ou fonte Nova, ou fonte da Nosa Señora), que actualmente forma parte do conxunto da igrexa parroquial, pero que no seu día se atopaba a uns 400 metros, no camiño tradicional de subida a Paraveche. Está formada dun depósito de auga pechado, cano de pedra, pía cadrada e todo un sistema de canalización da auga. A forma en que se capta a auga é tamén interesante nunha das fontes de Fraíz, cunha sucesión de caídas desde o manancial ata chegar á fonte.

HÓRREOS

Conta esta parroquia rural con arredor de 100 hórreos, vinculados case sempre a vivendas. A súa forma é sempre rectangular e, aínda que existe algún exemplo illado construído na súa totalidade en pedra, a maioría correspóndese co tipo mixto: base, listeis, columnas e penais de pedra, con claros (entre 2 e 4) pechados con doelas verticais e bastidores de madeira. A base aparece ás veces pechada a modo de celeiro, con pedra, madeira ou mesmo ladrillo. A presenza de materiais modernos como ladrillo ou o cemento substituíndo as partes de madeira non é infrecuente. Son peculiares dous hórreos que teñen a entrada nun dos laterais, en lugar de atoparse na cabeceira baixo a cruz, e un hórreo de Reborido feito ao completo en madeira.

EVENTOS

Setembro 2020
Luns Martes Mércores Xoves Venres Sábado Domingo
31 Agosto, 2020 1 Setembro, 2020 2 Setembro, 2020 3 Setembro, 2020 4 Setembro, 2020 5 Setembro, 2020 6 Setembro, 2020
7 Setembro, 2020 8 Setembro, 2020 9 Setembro, 2020 10 Setembro, 2020 11 Setembro, 2020 12 Setembro, 2020 13 Setembro, 2020
14 Setembro, 2020 15 Setembro, 2020 16 Setembro, 2020 17 Setembro, 2020 18 Setembro, 2020 19 Setembro, 2020 20 Setembro, 2020
21 Setembro, 2020 22 Setembro, 2020 23 Setembro, 2020 24 Setembro, 2020 25 Setembro, 2020 26 Setembro, 2020 27 Setembro, 2020
28 Setembro, 2020 29 Setembro, 2020 30 Setembro, 2020 1 Outubro, 2020 2 Outubro, 2020 3 Outubro, 2020 4 Outubro, 2020

Santiago de Compostela
17°
Nubrado
08:2320:28 CEST
Sensación: 17°C
Vento: 6km/h SW
Humidade: 90%
Presión: 1012.87mbar
Índice UV: 2
MerXovVen
20/11°C
17/10°C
17/9°C