Sabías que?

A poucos kilómetros da cidade de Santiago de Compostela atopamos a tranquilidade e a beleza dunha das súas parroquias rurais, Santa María de Villestro

A través desta proposta de dinamización deste rico territorio de Compostela preténdese achegar ao visitante á realidade de outrora, pero tamén ás oportunidades que hoxe en día se presentan en torno á revalorización de actividades no medio rural. Unha oportunidade para coñecer, poñer en valor e rescatar todo ese patrimonio etnográfico-cultural e natural.

O Val de Roxos, no corazón de Galicia, está salpicado de numerosas aldeas que manteñen hoxe en día a súa idiosincrasia. Aldeas que, antigamente, centraban toda a actividade económica e social de Galicia.

Un paraíso natural para o senderismo cunha variada orografía e paisaxes naturais, a oportunidade de coñecer o patrimonio etnográfico- cultural en equilibrio cos recursos da contorna e todo un paraíso rupestre por descubrir fan de Villestro unha experiencia única.

O paso continuo de peregrin@s cara a Fisterra , a prolongación do Camiño de Santiago cara ao fin do mundo coñecido, supón unha mirada ao mundo rural compostelán, que acolle este percorrido desde tempos inmemoriais.

Villestro foi nas últimas décadas destino da migración da área urbana, converténdoa así na parroquia máis poboada do rural de Compostela, con 1.961 habitantes. Confórmana trece aldeas: Reborido, Fraíz, Carlexo, Feáns, Trasigrexa, Quintáns, Portela, Vilastrexe, Roxos, Silvouta, Carballal, Pedrido e Piñeiro.

Durante o medievo e ata comezos do século XIX, a veciñanza de Villestro pertencía ao señorío dos arzobispos de Santiago, e estaba integrada, xunto a Conxo, Biduido, Laraño e outros lugares de Ames e Teo, no distrito denominado Xiro dá Rocha, con sé no Castelo dá Rocha Forte.

Coa Constitución liberal de 1812 creáronse os primeiros Concellos. Entre 1821 e 1823 Villestro foi designada capital municipal, ata que en 1835 pasou a formar parte do Concello de Conxo e posteriormente, en 1925, do actual Concello de Santiago.

EVENTOS

April 2017
Monday Tuesday Wednesday Thursday Friday Saturday Sunday
27 March, 2017 28 March, 2017 29 March, 2017 30 March, 2017 31 March, 2017 1 April, 2017 2 April, 2017
3 April, 2017 4 April, 2017 5 April, 2017 6 April, 2017 7 April, 2017 8 April, 2017 9 April, 2017
10 April, 2017 11 April, 2017 12 April, 2017 13 April, 2017 14 April, 2017 15 April, 2017 16 April, 2017
17 April, 2017 18 April, 2017 19 April, 2017 20 April, 2017 21 April, 2017 22 April, 2017 23 April, 2017
24 April, 2017 25 April, 2017 26 April, 2017 27 April, 2017 28 April, 2017 29 April, 2017 30 April, 2017
El tiempo en Roxos
17°
Miércoles 14° 
Jueves 16° 
tiempo.com  +info

MAPA DAS PARROQUIAS DE SANTIAGO

parroquias concello Santiago

MAPA DE
VILLESTRO

Mapa de Villestro

MAPA DOS NÚCLEOS RURAIS DE VILLESTRO

lugares de Villestro