Varios son os Camiños que chegan a Compostela, pero só un sae da cidade cara ao fin da terra. O Camiño de Fisterra é o epílogo e a prolongación da experiencia xacobea. Achégate a este camiño centenario, á súa historia, ás súas etapas, á súa paisaxe…
Viaxemos. Camiñemos de volta ao pasado, a unha época onde a natureza nos mergullaba en todo o seu esplendor, moi lonxe de artificios hoxe presentes. Imaxinémonos entre carballeiras e brañas e observemos o gran tesouro que nos deixaron: as pegadas do seu paso polo mundo, A LINGUAXE DAS ROCHAS.
