O Noso Camiño
RUTA CULTURAL ECOTURÍSTICA:
A arte de peregrinar a través do tempo
Descrición
Varios son os Camiños que chegan a Compostela, pero só un sae da cidade cara ao fin do mundo. O Camiño de Fisterra é o epílogo e a prolongación da experiencia xacobea. Achégate a un tramo deste camiño milenario, explora outras formas de coñecer, apreciar e querer a nosa terra… presente e pasado do ámbito de Santiago, a súa riqueza arqueolóxica, o seu patrimonio, a historia da súa xente, aldeas e paisaxes…
Invitámoste a vivir a peregrinación, como unha experiencia viaxeira auténtica, cun ritmo diferente, máis pausado. A capacidade do Camiño para potenciar o intercambio cultural, a solidariedade e a hospitalidade… sorprenderante.
Información
– Inicio: 09.00h. Praza do Obradoiro.
– Fin: Centro de Interpretación de Villestro
– Distancia: 7,9 km.
– Duración: 3 horas.
– Dificultade: Media‐baixa.
Recomendacións
Roupa cómoda, calzado axeitado e auga
Itinerario
Link to: 1ª Parada
1ª parada. CENTRO DA PRAZA DO OBRADOIRO (Km.0).
O fenómeno da peregrinación a Santiago. O Camiño a Fisterra. Unha das prazas máis emblemáticas e simbólicas de España. Meta de todos os Camiños, condensa a historia milenaria da cidade.
Link to: 2ª Parada
2ª parada. BALCÓN DO PAZO DE RAXOI.
Introducción de Santiago como “Cidade de peregrinos”. O Hospital e o Cementerio de Peregrinos. A extinta muralla e Santiago extramuros. Saída pola outra porta de Fisterra ou Porta da Trindade. O Camiño a Fisterra descendendo pola Rúa das Hortas. Pausa no nº 37, casa onde naceu Isaac Díaz Pardo.
Link to: 3ª Parada
3ª parada. POMBAL-POZA DE BAR.
O papel da muller na peregrinación. Aproximación á historia destes barrios. O clero, o comercio, a prostitución.
Link to: 4ª Parada
4ª parada. CARBALLEIRA DE SAN LOURENZO.
Os Camiños a Fisterra: trazados, calzadas, miliarios… Carballeira centenaria que Rosalía de Castro inmortalizou no seu libro Follas Novas. Detrás atópase o convento de San Lourenzo de Trasouto, de importante valor artístico e botánico.
Link to: 5ª Parada
5ª parada. RÍO SARELA.
A importancia histórica das canles fluviais na articulación do territorio e na peregrinación. As pontes, regatos, muíños, fábricas de curtidos…
Link to: 6ª Parada
6ª parada. SARELA DE ABAIXO. AS CODESEIRAS.
Breve alusión aol translatio do Apóstolo. A lenda da raíña Lupa. Últimas vistas do “peregrino” sobre a cidade, a catedral, o Pico Sacro. Tempo para facer fotos.
• Pausa. Sarela de Abaixo Invitación ao silencio, apreciación da peregrinación como experiencia instrospectiva, de reflexión, busca interior, observación…
• Ao final deste tramo intercambio de experiencias e sensacións.
Link to: 7ª Parada
7ª parada. LUGAR DO CARBALLAL.
Porta de entrada á Parroquia de Villestro. Cambios na fisionomía do entorno rural do Camiño a través do tempo. Aldea típica galega; casas de labranza con hórreos, eira, etc. Un dos núcleos mellor conservado e restaurado da parroquia.
Link to: 8ª Parada
8ª parada. A TRANSFORMACIÓN DO PAISAXE XACOBEO.
O eucalipto e o seu impacto no monte galego.
• Pausa de bifurcación do camiño. Entrada ao Val de Roxos (castro e petróglifo) polo núcleo de Trasigrexa.
Link to: 9ª Parada
9ª parada. CRUCEIRO DO CONXUNTO PARROQUIAL SANTA MARÍA DE VILLESTRO.
A importancia dos cruceiros e os camiños procesionais. Testimonios de veciños da parroquia de Villestro sobre os cambios no trazado orixinal do Camiño.
Link to: 10ª Parada
10ª parada. ATRIO DO CONXUNTO DA IGREXA DE SANTA MARÍA DE VILLESTRO.
Introducción etnográfica do Val de Roxos, o río e os seus muíños. Os núcleos, as canteiras provedoras de pedras ao Santiago medieval. Fotos antigas do val.
Link to: 11ª Parada
11ª parada. CIVI- CENTRO DE INTERPRETACIÓN DE VILLESTRO.
Introdución aos petróglifos, á arte rupestre e ao proxecto de recuperación do patrimonio arqueolóxico do Val de Roxos e as posibilidades / oferta de visitas / rutas aos grabados prehistóricos.
Asociacións Villestro
Información de interese
