Abandónase Negreira sobre unha ponte que cruza o río Barcala, afluente do Tambre, nun pequeno ascenso cara á igrexa de San Xulián que rematará co inicio dun tramo boscoso de folla caduca por un sendeiro que nos recorda aos antigos camiños reais con lugares como por exemplo Portocamiño e Camiño Real. Estes sendeiros son facilmente identificables para o peregrino que percorre zonas planas e elevadas que van dando paso a variados e fermosos núcleos rurais onde se poden observar hórreos e a arquitectura popular característica do territorio.

Tras atravesar o río de Maroñas chégase xa ao concello de Mazaricos sinalizado cun cartel de madeira. Un dos puntos de maior valor paisaxístico nesta zona é o monte Aro, de 556 metros de altitude, dende onde se poden contemplar as vistas a comarca do Xallas.

Na parte final desta etapa, o río Xallas cobra protagonismo e atravésase pola ponte do século XVI onde os labregos galegos intentaron sen éxito frear o avance das tropas francesas no ano 1809. Chégase entón a Ponte Olveira, terra do municipio de Dumbría e o peregrino camiña por un itinerario próximo ao embalse da Fervenza ata chegar a Olveiroa