Plan de Acción para a Economia circular

Puntos de interese: Arquitectura relixiosa

Tradicionalmente, Villestro foi unha parroquia de gran culto relixioso. Nela atopamos tres centros litúrxicos: a igrexa de Santa María de Villestro, a capela de San Miguel e a capela do Carme.

SANTA MARÍA DE VILLESTRO

Hai dúbidas sobre a antigüidade desta Igrexa, pero tal e como a vemos hoxe en día pódese dicir que foi obra de dous mestres, o primeiro deles don Francisco Mira e o segundo don Tomás del Río, sendo este o encargado de levantar a fachada seguindo probablemente os planos de Miguel Caaveiro. A súa construción rematou durante o século XIX. Os promotores da dita obra foron o médico don José Fariña del Valle e o seu sucesor e sobriño don José de Soto e Fariña.

A igrexa é de estilo barroco clasicista e está construída segundo a arquitectura popular: en pedra granítica os muros e a cuberta de tella a dúas augas.

É de grandes dimensións e érguese sobre unha planta de cruz latina. A ábsida está orientada cara ao poñente do sol. A fachada monumental remata nunha torre campanario de orde xónica e cun reloxo no centro da fachada. A portada de medio punto dá acceso a un pórtico que precede ao interior do templo. A sancristía, de planta cuadrangular, está pegada ao lateral norte da cabeceira e cóbrese cunha bóveda de cruzaría cunha clave de gran beleza. O interior, de grandes dimensións, é dunha única nave cuberta por unha bóveda de canón sostida por arcos faixóns sobre pilastras que marcan os tramos da nave. O cruceiro cóbrese con bóveda de cruzaría.

Unha das características desta igrexa é que consta de sete altares: o altar maior e os colaterais foron construídos e tallados no ano 1802 polo mestre escultor don Antonio del Río. O retablo do altar maior é obra do mestre don Benito de Pazos e as imaxes da Nosa Señora, San Xoán Bautista e San Xosé, que se atopan nel, foron encargadas ao escultor don Bartolomé Fernández. Os retablos laterais están dedicados respectivamente á Virxe do Carme e a San Roque.

Nesta Igrexa debemos facer mención a dous cruceiros: o cruceiro de Sta. María de Villestro e o cruceiro de Trasigrexa. O primeiro, sito no cemiterio e realizado en granito, posúe cruz circular, capitel cuadrangular con astrágalo cuadrangular, ábaco de lados curvos e vértices achafranados, e detalles de follas e cabezas de anxo con ás. Ten un fuste octogonal e símbolos da Paixón. Por último, a súa base é cuadrangular de dous corpos e plataforma cuadrangular de catro graos.

Por outra banda, o cruceiro de Trasigrexa sitúase no campo anterior á Igrexa (adro), no mesmo conxunto do que forman parte a fonte que alí se atopa. Está realizado en granito, ten un altar, posúe cruz circular, e está orientado leste-oeste: no oeste vemos a imaxe de Cristo crucificado, e no reverso, no leste, a imaxe da Virxe cos dedos das mans entrelazados e sobre peaña de Tres anxos cos ás. Ambas as imaxes simbolizan a morte (a caída do sol polo oeste), coa crucifixión de Cristo, e a vida (o amencer polo leste), coa imaxe da Virxe.

EVENTOS

Agosto 2020
Luns Martes Mércores Xoves Venres Sábado Domingo
27 Xullo, 2020 28 Xullo, 2020 29 Xullo, 2020 30 Xullo, 2020 31 Xullo, 2020 1 Agosto, 2020 2 Agosto, 2020
3 Agosto, 2020 4 Agosto, 2020 5 Agosto, 2020 6 Agosto, 2020 7 Agosto, 2020 8 Agosto, 2020 9 Agosto, 2020
10 Agosto, 2020 11 Agosto, 2020 12 Agosto, 2020 13 Agosto, 2020 14 Agosto, 2020 15 Agosto, 2020 16 Agosto, 2020
17 Agosto, 2020 18 Agosto, 2020 19 Agosto, 2020 20 Agosto, 2020 21 Agosto, 2020 22 Agosto, 2020 23 Agosto, 2020
24 Agosto, 2020 25 Agosto, 2020 26 Agosto, 2020 27 Agosto, 2020 28 Agosto, 2020 29 Agosto, 2020 30 Agosto, 2020
31 Agosto, 2020 1 Setembro, 2020 2 Setembro, 2020 3 Setembro, 2020 4 Setembro, 2020 5 Setembro, 2020 6 Setembro, 2020

Santiago de Compostela
20°
Parcialmente nubrado
07:3121:48 CEST
Sensación: 20°C
Vento: 8km/h N
Humidade: 82%
Presión: 1014.56mbar
Índice UV: 0
XovVenSab
min 18°C
29/16°C
29/16°C

CAPELA DE SAN MIGUEL

Na aldea de Roxos atopamos a pequena capela de San Miguel. É unha capela que foi reconstruída en cemento perdendo así moito do seu valor artístico. Esta reconstrución foi consecuencia do traslado que a capela sufriu en 1961, por mor das obras de ampliación da estrada.

Pertencente ao conxunto da Capela de San Miguel é o cruceiro coñecido como cruceiro de Roxos, realizado en granito, de cruz octogonal con remates florenzados, con imaxes de Cristo crucificado e volutas e imaxes de Santiago Matamouros e de Santa Teresa.

CAPELA DO CARMEN

Esta capela de pequenas dimensións situada na da aldea de Fraíz, está construída a base de pedras de cantería, con planta rectangular e decoración sinxela. Na actualidade é de propiedade privada e nela non se celebra ningún acto relixioso.

Sen dúbida, o máis destacable desta capela é que forma parte dun bonito conxunto, enclavado no corazón da aldea de Fraíz, formado por casas tradicionais, unha impresionante casona de orixe fidalga (na actualidade de propiedade privada) e un patio dende o que gozar das vistas ao val.