Ruta Pequegrin@s no Camiño de Santiago a Fisterra
PROPOSTA DE UNIDADE DIDÁCTICA DIRIXIDA A CEIPS DE GALICIA E OFERENTES DE ACTIVIDADES DIDÁCTICAS E OCIO INFANTIL
Descrición
Santiago de Compostela era unha pequena cidade que medraba na volta da catedral, estaba protexida por uhna muralla que a rodeaba. Xentes de todo o mundo viña a visitar o sepulcro do Apóstol Santiago e tamén a vender e intercambiar produtos do rural e de toda Galicia. Esta actividade consiste en percorrer os primeiros kilómetros do Camiño a Fisterra sin sair do Concello de Santiago de Compostela. Propoñemos que sexades peregrin@s por unhas horas, iredes descubrindo como era a vida cotiá no Santiago medieval e a vida do seu entorno rural. Acercarédesvos a cultura e a historia de forma próxima, entretida e adaptada aos/as nen@s. Aprender a valorar a historia dunha forma accesible e poñer en valor o noso rural e o turismo sostible é un dos obxetivos desta actividade. É un percorrido de nivel moi suave ideal para idades entre os 6 e os 12 anos acompañados por un/a mestre/a.
Información
– Tipo de actividade: Ruta exterior a pé.
– Duración: 3.7 km e 2 horas aproximadamente.
– Dificultade: Baixa.
– Punto de saída: Praza do Obradoiro.
– Punto final: Moas de Abaixo.
Recomendacións
– Paradas recomendadas para actividades: Praza do Obradoiro, Carballeira de San Lourenzo, Ponte Sarela, Sarela de Abaixo.
– Actividades recomendadas: Confección de indumentaria típica do peregrin@ (cabazas, conchas, sombreiro…). Actividades dos sentidos, realización de crebacabezas, busca do tesouro, collaxes, cancións…
Aruta será máis divertida e didáctica se o/a mestre/a prepara o percorrido. Para elo dámosvos unha serie de pautas:
As saídas teñen un específico valor educativo, didáctico e social. Son actividades escolares; polo tanto, deberán estar relacionadas claramente cos obxetivos sociais, pedagóxicos ou didácticos da ensinanza e ser preparadas e aproveitadas nas actividades da clase.
Preparación da saída
- Visita previa do mestre/a, para saber qué tipo de actividades poden realizarse i en canto tempo.
- Recopilar información do lugar de estudio para poder planificar mellor as actividades e saber contestar as preguntas que formulen @s nen@s.
- Programación da saída: fixaremos obxetivos, contidos e actividades a realizar na saída.
- Coñecer o que os alumnos/as saben sobre o tema, mediante actividades de coñecementos previos .
- Motivar aos alumnos/as é fundamental, imos acercar ao alumno/a ao tema e a provocar o interese d@ nen@ pola realidade que teñen que aprender.
- Informarlles do que van a facer. @s propios nen@s poden tomar decisións sobre o que desexan facer e sobre cómo agruparse, podemos formar equipos, e preparar para o día da saída unha tarxeta de identificación para cada nen@: en cartulina de diferentes cores para cada equipo.
- Explicarlles o que deben levar: roupa axeitada, calzado deportivo, si deben levar comida e auga, etc.
Trala actividade
O aproveitamento da saída non remata, como aínda creen algúns profesores/as, coa volta ao centro. Durante o día ou días seguintes pódense crear situacións de comunicación e intercambio do visto e do material recollido (follas, froitos, fotografías, materiais ofrecidos polas persoas do lugar…), así como levar aos nen@s a que o expresen mediante a linguaxe plástica, a expresión corporal, a música, etc.
- Unha posta en común.
- Realizar diferentes actividades conectadas coa saída.
- Facer actividades complementarias.
- Facer unha evaluación posterior todos xuntos, profesores/as e alumnos/as, para reafirmarse no procedemento seguido ou buscar otro mellor.
* Aquí entramos nós e para elo realizamos un caderno de viaxe que podedes descargar en formato pdf, e completalo ao ritmo que queirades na clase, ou pode orientarvos a preparar a saída e organizar a información e actividades que se van a realizar.
* Tamén dispoñedes dun enlace con xogos interactivos relacionados coa peregrinación e o entorno paisaxístico- natural autóctono.
Información de interese
